[РАЗОБРАТЬ] МЭ Тезисы каз.docx

ҚР Президентінің Жолдауын іске асыру барысы<br> туралы баспасөз конференциясына тезистер (21.08.2017ж.)<br> Құрметті журналистер!<br> Энергетика министрлігі Мемлекет басшысының Қазақстан халқына Жолдауында айтылған жетекшілік ететін салалардың жеделдетілген технологиялық жаңғыртылуы бойынша белсенді жұмыс атқаруда.<br> Жетекшілік ететін салалардағы көрсеткіштердің өсімі қамтамасыз етілуде.<br> Қысқаша, ағымдағы жылдың 7 айы бойынша цифрлармен келесіні баяндаймын:<br> Мұнай өндіру көлемі 49,9 млн. тонна немесе 2016 жылдың сәйкес кезеңіне 109,8% құрады.<br> Мұнай өңдеу көлемі 8,8 млн. тонна немесе немесе 2016 жылдың сәйкес кезеңіне 105%.<br> Газ өндіру көлемі 30,9 млрд.м3 немесе 2016 жылдың сәйкес кезеңіне 115,7% құрады.<br> Сұйытылған газ өндіру көлемі 1,7 млн. тонна немесе 2016 жылдың сәйкес кезеңіне 113%.<br> Мұнай битумы өндірісі 382,8 мың тонна немесе 2016 жылдың сәйкес кезеңіне 149,6% құрады.<br> Электр энергиясын өндіру көлемі 58,8 млрд. кВсағ немесе 2016 жылдың сәйкес кезеңіне 110,5% құрады.<br> Көмір өндіру көлемі 58 млн. тонна немесе 2016 жылдың сәйкес кезеңіне 117,3% құрады.<br> Уран өндіру көлемі 13,3 мың тонна немесе 2016 жылдың сәйкес кезеңіне 91,4% құрады.<br> Жер қойнауын пайдалану саласында биыл Министрлік бүкіл Қазақстан бойынша 21 жер қойнауы учаскесі бойынша барлауға конкурс өткізеді, оның ішінде көмір бойынша 8 учаске және көмірсутегі шикізатына – 13 учаске шығарылды. Тендер түріндегі конкурс ағымдағы жылғы шілденің соңында жарияланды, қазіргі уақытта әлеуетті инвесторлардан өтінімдер күтілуде.<br> Жалпы минералдық-шикізаттық базаны кеңейту бойынша жұмыс шеңберінде «Жер қойнауы және жер қойнауын пайдалану туралы» Кодекс жобасында көмірсутек шикізаты мәселесін реттейтін бірқатар тұжырымдамалық тәсілдер әзірленді.<br> Сонымен, мұнай-газ саласында жер қойнауын пайдалану құқығын берудің негізгі тәсілі аукцион болады, ал базалық ретінде келісімшарт жүйесі қалады.<br> Келісімшарт түрлері оңтайландырылды («Барлау», «Барлау және өндіру» мен «Өндіру» орнына «Барлау және өндіру» және «Өндіру»). Жер қойнауын пайдалануға арналған келісімшарттарды жасасу мерзімдері қысқартылды, рәсімдер жеңілдетілді және әкімшілік кедергілер жойылды.<br> Жер қойнауын пайдалану саласының ашықтығы мен болжамдылығын арттыру мақсатында көмірсутегі шикізаты қорлары бойынша есептіліктің халықаралық стандарттары жүйесіне көшу жүзеге асырылуда.<br> Шикізатты кешенді өңдеуді тереңдету міндетін шешу үшін ағымдағы жылдың екінші жартыжылдығында Атырау мұнай өңдеу зауытын және Павлодар мұнай-химиялық зауытын жаңғырту жобалары аяқталады. Келесі жылы Шымкент мұнай өңдеу зауытын жаңғырту аяқталады.<br> Мұнай өңдеу зауыттарын жаңғыртудан кейін мұнай өңдеу көлемі 14,5-тен 17,5 млн. тоннаға дейін артады. Ақшыл мұнай өнімдерін – бензин, дизель отыны, авиаотынды өндіру көлемі артады. Отандық мұнай өнімдерімен еліміздің ішкі қажеттіліктерін толық қамтамасыз ету және жанар-жағармайға деген импорттық тәуелділікті жою күтілуде.<br> Құрметті журналистер, экономиканың жеделдетілген технологиялық жаңғыртылуы моделінде Отын-энергетикалық кешенді дамыту жобасында ендіру сатысында 19 бастама көзделеді:<br> Мұнай-газ өнеркәсібінде Теңіз, Қарашығанақ, Қашаған жобалары, Хазар және Қаламқас-теңіз кен орындарын бірлесіп игеру жобаларында біз кен орындарында мұнай беруді арттыру және геологиялық барлау жұмыстарын, соның ішінде теңіз жобаларын жандандыру бойынша кешенді шараларды қолға алдық.<br> Бұл 2025 жылға қарай мұнай өндіру көлемінің 107,3 млн. тоннаға және газ өндіру көлемінің 77,3 млрд. текше метрге өсуін қамтамасыз етеді.<br> Мұнай өңдеуде мұнай өңдеу зауыттарында энергия тиімділігін арттыру және 3 жылдық жөндеуаралық кезеңге көшу жобалары және мұнайды ішкі нарыққа жеткізудің экономикалық тартымдылығын арттыру шаралары енгізілуде. Бұл ақшыл мұнай өнімдерін шығару көлемін арттырады және олардың сапасын К4, К5 экологиялық стандарттарына дейін жеткізеді.<br> Мұнай-газ химиясында жиынтық қуаты жылына 2,3 млн. тонна қосылған құны жоғары өнімді шығаратын 4 мұнай-газ химиялық зауытты (полипропилен, полиэтилен, полиэтилентерефталат, этил-трет-бутилді эфир мен этанол өндіру бойынша) салу бойынша шаралар жоспарлануда.<br> Атом энергетикасында 200-ге дейін жылубөлгіш құрастырмаларды өндіру зауытын салу, уран өндіру кәсіпорындарында IT-технологияларды ендіру, сондай-ақ уранның минералдық- шикізаттық базасын толтыру үшін іздестіру жұмыстарын күшейту жобалары іске асырылады.<br> «Отын-энергетикалық сектор» бастамалары бойынша 2017-2025 жылдардағы инвестициялардың жалпы көлемі 19 трлн. теңгеден асуы тиіс. Оның 97% астамы жеке қаражат есебінен қамтамасыз етілетін болады.<br> «Технологиялық қайта жарақтандыру» жобасында табиғи газды сығымдау және «виртуалды газ құбыры» жаңа технологияларын ендіру, сонымен қатар магистральдық газ құбырларын және қорғау аймақтарын диагностикалауға арналған ұшқышсыз ұшатын аппараттар пайдалану бойынша 3 бастама қарастырылған.<br> «Цифрлық Қазақстан» мемлекеттік бағдарламасының жобасында ақпараттық жүйелерді ендіру бойынша келесі 9 бастама көзделген:<br> 1) SanaField интеллектуалдық кен орны<br> Бұл өндірілетін мұнайдың көлемі мен сапасының өсуін қамтамасыз етуге және мұнай өндіретін кәсіпорындарда операциялық шығындарды төмендетуге мүмкіндік береді.<br> 2) «Цифрлық кеніш» ақпараттық жүйесі<br> Бұл «Қазатомөнеркәсіп» компаниясының уран өндіруші кәсіпорындарының өнімділігін 10% - ға дейін арттырады.<br> 3) Мұнайды есепке алу ақпараттық жүйесі<br> Бұл мұнайдың көлеңкелі айналымын қысқартуға және мұнай өндіру, дайындау, өңдеу, тасымалдау, сақтау, сату, жөнелту және әкету бойынша қызметінен салықтардың жиналуын арттыруға мүмкіндік береді.<br> «Жер қойнауын басқарудың бірыңғай мемлекеттік жүйесі» интеграцияланған ақпараттық жүйесі шеңберінде:<br> 4) «Сұйытылған мұнай газы балансының болжамы» кіші жүйесі<br> Бұл ішкі нарықта СМГ-ны тиімсіз бөлу бойынша тәуекелдерді төмендетуге, СМГ көлемдерін заңсыз шығару және жасыру бойынша бұзушылық фактілерді анықтауға, газбен жабдықтау ұйымдары үшін тең қол жеткізу және қолайлы ортаны қамтамасыз етуге мүмкіндік береді.<br> 5) «Кен орындар онлайн аукционы» кіші жүйесі<br> Бұл айқын, дәйекті және жедел аукциондарды қамтамасыз етуге, кәсіпкерлердің лауазымды тұлғалармен тікелей байланысын болдырмауға, аукциондар, оларды өткізу шарттары мен нәтижелері туралы ақпаратты уақтылы орналастыруды қамтамасыз етуге мүмкіндік береді.<br> 6) «АМӨЗ» ЖШС, «ПМХЗ» ЖШС, «ПҚОП» ЖШС-да техникалық қызмет көрсету және жөндеу автоматтандырылған жүйесін енгізу<br> Бұл мұнай өңдеу зауыттарына кемінде 3-жылдық жөндеуаралық пайдалану кезеңдеріне көшуге мүмкіндік береді.<br> 7) Қоршаған ортаны қорғау мониторингтеудің бірыңғай мемлекеттік ақпараттық жүйесі<br> Бұл ақпараттың жеделдігі мен дұрыстығын қамтамасыз етуге, ақпаратты кешенді талдау және ақпаратқа нақты уақыт режимінде кедергісіз қол жетімділікті қамтамасыз етуге, қоршаған орта туралы жедел және нақты ақпаратпен қамтамасыз етуге, деректерді қауіпсіз сақтауды қамтамасыз етуге мүмкіндік береді.<br> 8) Электр энергетикасына Smart технологиясын ендіру<br> Бұл елдің электр энергетикасы саласын қадағалау, басқару және жұмыс тиімділігін арттыруға мүмкіндік береді.<br> 9) Бірыңғай энергетикалық жүйенің жұмыс режимдерін басқаруды автоматтандыру<br> Бұл электрмен жабдықтау сенімділігін арттыруға және жабдықтарды жұмысқа жарамды күйде қолдауға жұмсалатын шығындарды азайтуға мүмкіндік береді.<br> Құрметті журналистер!<br> Мемлекет басшысының Жолдауын іске асыру шеңберінде отын-энергетикалық кешендегі негізгі жұмыс осындай.<br> Назарларыңызға рахмет!