[РАЗОБРАТЬ] ТРЕТИЙ ВОПРОС Доклад каз11.docx

Баяндама жобасы<br> «Қазақстан Республикасындағы кедендік реттеу туралы» Қазақстан Республикасы Кодексінің<br> жобасы бойынша<br> Қазақстан Республикасы Ұлттық экономика министрінің баяндамасы<br> Құрметті Бақытжан Әбдірұлы!<br> Құрметті отырысқа қатысушылар!<br> Сіздердің назарларыңызға «Қазақстан Республикасындағы кедендік реттеу туралы» Қазақстан Республикасы Кодексінің жобасы ұсынылып отыр.<br> Соңғы үш жыл бойы Еуразиялық экономикалық комиссия алаңында Еуразиялық экономикалық одақтың жаңа Кеден кодексін қалыптастыру бойынша үлкен жұмыс атқарылғаны өздеріңізге мәлім, қазіргі уақытта кодекс жобасы ратификациялау бойынша рәсімдерден өткізілуде.<br> (1-слайд) Одақтың жаңа кодексі бойынша жұмыс мемлекеттік органдар мен бизнес – қауымдастығының өкілдерінің қатысуымен жүргізіліп, бірінші кезекте әкімшілік жүктемені азайтып бизнеске уақыт, қаражат, құжаттар үш негізгі көрсеткіштерін қысқарту бойынша қолдау көрсетуге бағытталған.<br> Тек соңғы мемлекетішілік келісу нәтижелері бойынша Қазақстан Республикасымен 552 түзетулер жолданды (салыстыру үшін Тараптар түзетулерінің жалпы саны 1472 түзету құрады), олардың 65% (358 түзету, олардың ішінде 235 (43%) кедендік әкімшілендіруді оңайлату түзетулер, 21 (4%) УЭО институтын жетілдіру институты) қолдау тапты.<br> Одақтың жаңа кодексі айтарлықтай қайта өңделіп, кедендік реттеу жөніндегі негізгі тәсілдер қайта қаралып, сонымен қатар өзіне 350-ден астам ұлттық заңнаманың құзыретін қамтуына байланысты біздің алдымызда қолданыстағы ұлттық кеден заңнамасын сәйкес келтіру, ел ішінде кеден үрдістерін реттеу мәселесі туындады.<br> Осы мақсатта Министрлікте сегіз ай бойы менің басшылығыммен жаңа Кеден кодексін әзірлеу бойынша жұмыс тобы жұмыс атқарып, атқарылған жұмыстың қорытындысы бүгін Сіздің назарларыңызға ұсынылып отыр.<br> (2-слайд) Мәселен, қолданыстағы Кеден кодексіне ұқсас жобада ЕАЭО Кеден кодексінің нормаларын имплементацияланған, ұлттық заңнамаға сілтеме нормалары іске асырылып, одақ кодексінде реттелмеген құқықтық қатынастар орнатылды.<br> ҚР Кеден кодексінің жобасы сегіз бөлімнен тұрады Анықтама ретінде: жалпы ережелер, кедендік төлемдер, кедендік операциялар, кедендік рәсімдер, тауарлардың жекелеген санаттарын өткізу ерекшеліктері, кедендік бақылау, кеден ісі саласында қызметін жүзеге асыратын тұлғалар және қорытынды және өтпелі ережелер.<br> (3-слайд)<br> Новеллалар туралы айтатын болсақ, негізгілердің арасында кедендік реттеуге түбегейлі жаңа тәсілдеме – кедендегі бизнес-процестерді автоматтандыруды атау керек.<br> (4-слайд)<br> Ақпараттық технологияларға аса көңіл аударудан басқа, Кодексте сыртқы экономикалық қызметке қатысушылар үшін өз шығыстарын оңтайландыруға жағдай туғызатын бірқатар мүмкіндіктер пайда болды, мысалы, кедендік баждар бойынша төлеуді кейінге қалдыру.<br> Егер қандай бір себептермен декларант кедендік баждар бойынша бюджетпен бірден есеп айырыса алмаса, онда пайыздар төлей отырып, бір айға кейінге қалдыруды пайдалану құқығын мемлекет береді.<br> Жекелеген жағдайларда пайыздарды төлемей алты айға дейін бөліп төлеу ұсынылады. Бұл, мысалы, халықаралық шарттар шеңберінде жеткізілімдерді жүзеге асыру кезінде, ауыл шаруашылығы техникасын, егін жұмысының материалдарын, асыл тұқымды жануарларды әкелу кезінде, дүлей зілзала, технологиялық апат немесе өзге де еңсерілмейтін күш жағдайлары нәтижесінде төлеушіге залал келтірілген кезде бөліп төлеу ұсынылады.<br> (5-слайд) «Ұлт жоспары – 100 нақты қадам» Мемлекет басшысының бағдарламасын жүзеге асыру үшін «постфактум» кедендік тазалау режімі бойынша шығарылатын тауарлар тізімі кеңейтілді. Ереже декларацияны кейіннен келесі айдың 10-шы күнінен кешіктірмей беру және кедендік баждарды төлеу міндеттемемен өтініш негізінде тауарларды еркін айналымға мүмкіндік береді.<br> «Постфактум» кедендік тазалау режімі еркін қойма, еркін кедендік аймақ, кеден аймағында өндеу кеден рәсімдеріне орналастыратын тауарларға, сонымен қатар инвесторлар мен уәкілетті экономикалық операторларға қатысты болады.<br> (6-слайд) Сондай-ақ «Ұлт жоспары – 100 нақты қадам» Мемлекет басшысының бағдарламасын жүзеге асыру үшін, соның ішінде салық және кеден саясаты мен рәсімдерді жетілдіру мақсатында (37-қадам) ҚР Кеден кодексінің бірқатар ережелері ҚР Салық кодексімен процестерді үндестіреді.<br> Бұл:<br> кедендік баждарды, салықтарды есепке алу, есепке жатқызу (қайтару) жөніндегі ережелерге,<br> берешекті өндіріп алу және бұзушылықтарды жою туралы және тексеру нәтижелері туралы хабарламаларға шағымдануға;<br> талап ету мерзімдері жаңа Салық кодексіне сәйкес белгілеу (шағын және орта бизнес үшін үш жылға дейін қысқартылды). Ережелеріне қатысты.<br> (7-слайд) Кеден ісі саласындағы қызметті жүзеге асыратын тұлғалар үшін жеңілдіктер қарастырылған. Соның ішінде, тиісті тізілімнен шығару негіздері қайта қаралған. Мысалы, осындай негіздер тұлғаның қызметін тоқтата тұру үшін негіздер болды. Мысалы, егер уақтылы берілмеген есептілік үшін тұлға тізілімнен шығарылған болса, енді олардың қызметі бұзушылық жойылғанға дейін тоқтатыла тұратын болады.<br> Сондай-ақ, декларантты әкімшілік жауапкершіліктен босату жағдайлары кеңейтілді,.<br> Мысалы:<br> хабарлама табыс етілген кезден бастап отыз жұмыс күні ішінде бұзушылықтарды өз бетінше жойған кезде;<br> кеден органының мұндай бұзушылықтарды анықтауы нәтижесінде бес жүз айлық есептік көрсеткіштен аспайтын мөлшерде қосымша үстеме есепті бір жұмыс күні ішінде ерікті түрде төлеген жағдайда және басқа да жағдайларда әкімшілік жауапкершіліктен босату жағдайлары белгіленген.<br> Жаңа Кодекспен қатар Кодекстер мен заңдардың бірқатарына өзгерістер енгізуді көздейтін заң жобасына ілеспе заң жобасы әзірленді.<br> Жекелегенде тауарларды кедендік жою рәсіміне орналастырған кезде мемлекеттік экологиялық сараптама беру бөлігінде Экологиялық кодексе өзгерістер енгізілуде. Бюджет кодексіне аванстық төлемдер жөніндегі нормаларды реттеу бөлігінде түзетулер енгізіледі. Сондай-ақ көліктік бақылау функцияларын беру бөлігінде кейбір заңдарға түзетулер және басқа да түзетулер енгізіледі.<br> Осылайша жаңа Кеден кодексінің Қазақстанға өзінің транзиттік және экспорттық әлеуетін пайдалануға, сыртқы экономикалық қызметті жүргізуді жеңілдетуге мүмкіндік беретінін атап өтуге болады.<br> Кедендік әкімшіленддіруге қатысты кейбір тұстар бойынша менің әріптесім Бахыт Тұрлыханұлы айтып береді.