[РАЗОБРАТЬ] МНЭ доклад каз тамож изм.docx

«Қазақстан Республикасындағы кедендік реттеу туралы»<br> тақырыбындағы сөз сөйлеу<br> Құрметті Бақытжан Әбдірұлы!<br> Құрметті әріптестер!<br> Сіздердің назарларыңызға «Қазақстан Республикасындағы кедендік реттеу туралы» Қазақстан Республикасы Кодексінің жобасы ұсынылып отыр.<br> Соңғы үш жыл бойы Еуразиялық экономикалық комиссия алаңында Еуразиялық экономикалық одақтың жаңа Кеден кодексін қалыптастыру бойынша үлкен жұмыс атқарылғаны өздеріңізге мәлім, қазіргі уақытта кодекс жобасы ратификациялау бойынша рәсімдерден өткізілуде.<br> Одақтың жаңа кодексі айтарлықтай қайта өңделіп, кедендік реттеу жөніндегі негізгі тәсілдер қайта қаралды. Осыған байланысты біздің алдымызда қолданыстағы ұлттық кеден заңнамасын жаңа кедендік қағидаларға сәйкес келтіру мәселесі туындады.<br> Осы мақсатта Министрлікте менің басшылығыммен жаңа кеден заңнамасын жетілдіру жөніндегі жұмыс тобы жұмыс істеді. Сегіз ай бойы атқарылған жұмыстың қорытындысы бүгін Сіздің назарларыңызға ұсынылып отырған Кеден кодексінің жаңа жобасы болып отыр.<br> Мәтінді әзірлеу кезінде аталған жұмысты қалай жүргізу керектігі жөніндегі мәселе шешілді. Пікірталастар қорытындысында қолданыстағы Кеден кодексіне ұқсас әрекет ету туралы шешім қабылданды. Яғни ЕАЭО Кеден кодексінің нормаларын имплементациялау, ұлттық заңнамаға сілтеме нормаларды іске асыру және одақ кодексінде реттелмеген құқықтық қатынастарды орнату керек. (1-слайд)<br> ҚР Кеден кодексінің жобасы сегіз бөлімнен тұрады (2-слайд)<br> Анықтама ретінде: жалпы ережелер, кедендік төлемдер, кедендік операциялар, кедендік рәсімдер, тауарлардың жекелеген санаттарын өткізу ерекшеліктері, кедендік бақылау, кеден ісі саласында қызметін жүзеге асыратын тұлғалар және қорытынды және өтпелі ережелер.<br> ҚР Кеден кодексі жобасының негізгі новеллалары.<br> Жаңа Кеден кодексінің қолданыстағы кеден заңнамасынан басты өзгешелігі кедендік реттеуге деген мүлдем жаңа көзқарас болып табылады.<br> Жаңа кедендік реттеудің негізгі қағидаты – кедендегі бизнес-процестерді автоматтандыру (3-слайд)<br> Электрондық декларациялау<br> Бұл декларациялаудың электронды түрде жүргізілетінін білдіреді. Бұл жағдайда қандай да бір растаушы құжаттарды қоса беру қажет емес. Барлық қажетті мәліметтер декларацияның өзінде көрсетіледі. Жекелеген жағдайларда ғана, мысалы, техникалық ақаулар туындаған кезде қағаз түрінде декларациялау қолданылады.<br> Тауарларды автоматты түрде шығару<br> Яғни кеден органдарының ақпараттық жүйесі, егер әлеуетті бұзылушылықтар анықталмаған болса, декларацияны лауазымды тұлғалардың қатысуынсыз шығарады.<br> Ақпараттық технологияларға аса көңіл аударудан басқа, Кодексте сыртқы экономикалық қызметке қатысушылар үшін өз шығыстарын оңтайландыруға жағдай туғызатын бірқатар мүмкіндіктер пайда болды.<br> Мәселен, барлық сыртқы экономикалық қызметке қатысушылар кедендік баждар бойынша төлеуді кейінге қалдыра алады (4-слайд)<br> Егер қандай бір себептермен декларант кедендік баждар бойынша бюджетпен бірден есеп айырыса алмаса, онда пайыздар төлей отырып, бір айға кейінге қалдыруды пайдалану құқығын мемлекет береді.<br> Жекелеген жағдайларда пайыздарды төлемей алты айға дейін бөліп төлеу ұсынылады. Бұл, мысалы, халықаралық шарттар шеңберінде жеткізілімдерді жүзеге асыру кезінде, ауыл шаруашылығы техникасын, егін жұмысының материалдарын, асыл тұқымды жануарларды әкелу кезінде, дүлей зілзала, технологиялық апат немесе өзге де еңсерілмейтін күш жағдайлары нәтижесінде төлеушіге залал келтірілген кезде бөліп төлеу ұсынылады.<br> Инвесторлар үшін тауарларды кедендік декларация берілгенге дейін шығару мүмкіндіктері кеңейтілді (5-слайд)<br> Инвестициялық жобаларды іске асыру шеңберінде инвесторлар декларацияны кейіннен келесі айдың 10-шы күнінен кешіктірмей бере отырып, өтініш негізінде тауарларды кері өзіне алып кете алады. Сондай-ақ аталған норма енді еркін қойма, еркін кеден аймағы, өңдеулердің кедендік рәсімдеріне де қолданылады.<br> Экономикалық операторлар үшін арнайы жеңілдіктер кеңейтілді (6-слайд). Атап айтқанда, осы мәртебені берудің үш деңгейлі жүйесі енгізіліп, уәкілетті экономикалық операторлар үшін арнайы жеңілдіктердің, оның ішінде ЕАЭО-ның бүкіл аумағындағы кедендік бақылауға қатысты тізімдері кеңейтілді.<br> Бұдан басқа, ҚР Кеден кодексінің бірқатар ережелері ҚР Салық кодексімен процестерді үндестіреді (7-слайд). Бұл кедендік баждарды, салықтарды есепке алу, есепке жатқызу (қайтару) жөніндегі ережелерге, сондай-ақ берешекті өндіріп алу және бұзушылықтарды жою туралы және тексеру нәтижелері туралы хабарламаларға шағымдануға қатысты. Сондай-ақ, талап ету мерзімдері жаңа Салық кодексіне сәйкес белгіленеді (шағын және орта бизнес үшін үш жылға дейін қысқартылды).<br> Кеден ісі саласындағы қызметті жүзеге асыратын тұлғалар үшін бұрын тиісті тізілімнен шығару үшін негіз болып табылған, қызметті тоқтатуға арналған негіздер көзделген. Мысалы, егер уақтылы берілмеген есептілік үшін тұлға тізілімнен шығарылған болса, енді олардың қызметі бұзушылық жойылғанға дейін тоқтатыла тұратын болады. Сондай-ақ, декларантты әкімшілік жауапкершіліктен босату жағдайлары, мысалы:<br> хабарлама табыс етілген кезден бастап отыз жұмыс күні ішінде бұзушылықтарды өз бетінше жойған кезде;<br> кеден органының мұндай бұзушылықтарды анықтауы нәтижесінде бес жүз айлық есептік көрсеткіштен аспайтын мөлшерде қосымша үстеме есепті бір жұмыс күні ішінде ерікті түрде төлеген жағдайда және басқа да жағдайларда әкімшілік жауапкершіліктен босату жағдайлары белгіленген (8-слайд)<br> Жаңа Кодекспен қатар Кодекстер мен заңдардың бірқатарына өзгерістер енгізуді көздейтін заң жобасына ілеспе заң жобасы әзірленді.<br> Кодекс жобасында көзделген міндеттерді іске асыру Кеден кодексінің қолданыстағы нормаларының жартысынан астамының өзгеруіне алып келді. Осыған орай бірқатар заңнамалық актілерге өзгерістер енгізу қажет болды.<br> Ілеспе заң жобасы бойынша түзетулердің басым бөлігі «Кеден одағы» деген сөздерді «Еуразиялық экономикалық одақ» деген сөздермен ауыстыруға қатысты техникалық жайттарға қатысты.<br> Бұдан басқа тауарларды кедендік жою рәсіміне орналастырған кезде мемлекеттік экологиялық сараптама беру бөлігінде Экологиялық кодексе өзгерістер енгізілуде. Бюджет кодексіне аванстық төлемдер жөніндегі нормаларды реттеу бөлігінде түзетулер енгізіледі. Сондай-ақ көліктік бақылау функцияларын беру бөлігінде кейбір заңдарға түзетулер және басқа да түзетулер енгізіледі.<br> Осылайша жаңа Кеден кодексінің Қазақстанға өзінің транзиттік және экспорттық әлеуетін пайдалануға, сыртқы экономикалық қызметті жүргізуді жеңілдетуге мүмкіндік беретінін атап өтуге болады.